Pecynnau Cymorth a Chanllawiau i Glinigwyr

Canllawiau Attend Anywhere TEC Cymru

Canllawiau Sut i

Defnyddio'r nodwedd 'Consult Now' o fewn Attend Anywhere

Sut mae ail-osod fy nghyfrinair?
Pan fydda’i yn ceisio cyrchu gwefan Attend Anywhere wnaiff hi ddim llwytho
A fydd cleifion yn cael eu symud o’r man aros wedir amseroedd cau?
All cleifion ddod i'r man aros cyn yr amser agor?
Lle mae defnyddiwr yn mynd i fewngofnodi i Attend Anywhere?
Alla’i ddangos i’r claf beth sydd ar fy sgrin, er enghraifft, canlyniad pelydr-X neu sgan?
Beth yw ystyr “New caller Alerts off” ac a ddylwn i ei droi ymlaen?
Mae rhai ffonau Android yn dangos gwall i glaf pan ddaw i'r ystafell aros
Wnaiff fy ffôn Huawei ddim cyrchu Attend Anywhere
Oes angen gosod y feddalwedd ar ein cyfrifiaduron?
Sut mae dileu mynediad i Attend Anywhere?
Fydd ar staff syn gweithio mewn mwy nag un practis angen mewngofnodi ar wahân?
Oes modd recordio’r ymgynghoriad fideo?
A Fydd staff gweinyddol yn gallu cymryd rhan mewn ymgynghoriadau fideo gyda chleifion?

Dewiswch y ddolen “Forgot password?” ar sgrîn fewngofndi Attend Anywhere:

sgrinlun o gyfrinair wedi anghofio

Ar y sgrin nesaf, gofynnir i chi roi’r cyfeiriad e-bost cysylltiedig â’ch cyfrif Attend Anywhere GIG. Byddwch wedyn yn derbyn neges yn cynnwys dolen unigryw i’r dudalen ail-osod cyfrinair.

2. Pan fydda’i yn ceisio cyrchu gwefan Attend Anywhere wnaiff hi ddim llwytho

Mae Attend Anywhere yn gydnaws yn unig â Chrome, Microsoft Edge neu Safari yn dibynnu ar eich dyfais. Gwnewch yn siŵr eich bod yn defnyddio un o’r porwyr hyn a'i fod yn cael ei ddiweddaru i'r fersiwn diweddaraf. Gallwch lawrlwytho Chrome drwy ddefnyddio’r ddolen hon: www.google.com/chrome

3. A fydd cleifion yn cael eu symud o’r man aros wedi’r amseroedd cau?

Na os daethoch i’r man aros cyn yr amser cau, gallwch aros yno. Fodd bynnag, ni chaniateir i gleifion newydd ddod i’r man aros wedi’r amser cau.

4. All cleifion ddod i'r man aros cyn yr amser agor?

Na, rydym yn awgrymu gosod yr amseroedd agor i’r ystafelloedd aros cyn union amser cychwyn yr apwyntiad cyntaf

5. Lle mae defnyddiwr yn mynd i fewngofnodi i Attend Anywhere?

Ar ôl i’r gweithiwr clinigol neu staff y dderbynfa greu ei gyfrif o’r gwahoddiad cychwynnol, mae modd mewngofnodi i’r llwyfan trwy fynd at wales.nhs.attendanywhere.com

6. Allai ddangos i’r claf beth sydd ar fy sgrin, er enghraifft, canlyniad pelydr-X neu sgan?

Gallwch, dewiswch yr eicon “share screen” ar waelod y sgrin:

Botwm rhannu sgrin

Gallwch wedyn benderfynu sut yr ydych am rannu eich sgrin:

7. Beth yw ystyr “New caller Alerts off” ac a ddylwn i ei droi ymlaen?

Mae’r nodwedd hon yn caniatáu i chi osod larwm ar eich ffôn symudol bob tro y daw claf i’r ystafell aros. Oherwydd bod ystafelloedd aros wedi eu gosod i fyny fesul practis, os newidiwch hyn i “yes” yna byddwch yn dechrau derbyn larymau am yr HOLL gleifion sy’n dod i’r ystafell aros, gan na all y system wybod pa gleifion sydd ar eich rhestr chi a pha rai ar restr eich cydweithwyr.

8. Mae rhai ffonau Android yn dangos gwall i glaf pan ddaw i'r ystafell aros

Beth wna’i?

Opsiynau rhannu sgrin

Tra bod gan y rhan fwyaf o ffonau Android Google Chrome, mae gan rai gwneuthurwyr, megis Samsung, wedi rhoi eu porwr rhyngrwyd hwy eu hunain ar y ffôn a’i wneud yn borwr diofyn.

I ddatrys hyn, mae dau ateb;

a. Yn ‘settings’ ar eich ffôn Android, ewch i apps a dod o hyd i Chrome. Yn y gosodiadau hyn fe fydd dewis i wneud hwn yn borwr diofyn.

b. Wrth i’r sgrin gwall ymddangos, copïwch y ddolen trwy glicio’r botwm. Agorwch Chrome a gludio’r cyfeiriad i’r bar cyfeiriad.

9. Wnaiff fy ffôn Huawei ddim cyrchu Attend Anywhere

(Gallai hyn fod i gleifion neu ddefnyddwyr cofrestredig y llwyfan).

Nid yw ffonau mwy newydd Huawei yn rhedeg ar Android ac ni chaniateir iddynt redeg Chrome na chyrchu unrhyw apps o’r siop Google Play ac ni fydd modd cyrchu Attend Anywhere. Os oes gennych ffôn hŷn Huawei sy’n dal i redeg ar Android, nid yw’r broblem hon yn effeithio arnoch chi.

10. Oes angen gosod y feddalwedd ar ein cyfrifiaduron?

Dim ond y porwyr gwe angenrheidiol.

11. Sut mae dileu mynediad i Attend Anywhere?

Cysylltwch â'ch desg wasanaeth leol/cymorth gweinyddol.

12. Fydd ar staff syn gweithio mewn mwy nag un practis angen mewngofnodi ar wahân?

Gall defnyddwyr sy'n mewngofnodi gael eu neilltuo i fwy nag un ardal aros neu ystafell gyfarfod.

13. Oes modd recordio’r ymgynghoriad fideo?

Nid yw'r platfform yn darparu'r cyfleuster i recordio ymgynghoriadau fideo. Cynghorir clinigwyr i ddiweddaru eu nodiadau yn briodol yn ôl yr arfer.

14. A Fydd staff gweinyddol yn gallu cymryd rhan mewn ymgynghoriadau fideo gyda chleifion?

Na, gall staff gweinyddol anfon neges at gleifion ond ni allant ymuno ag ymgynghoriad fideo. Cyfeiriwch at y rolau yn y ganolfan adnoddau.

Gofal Eilaidd